ಕರ್ನಾಟಕ ರಾಜ್ಯದ ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲ್ಲೂಕು “ಭತ್ತದ ನಾಡು” ಎಂಬ ಹೆಗ್ಗಳಿಕೆಗೆ ಪ್ರಸಿದ್ಧ. ಕೃಷಿಯ ಸಮೃದ್ಧಿ, ರೈತರ ಪರಿಶ್ರಮ ಮತ್ತು ಅನ್ನದಾತರ ಬದುಕಿನಿಂದ ಹೆಸರುವಾಸಿಯಾದ ಈ ನೆಲ ಇಂದು ಶಿಕ್ಷಣ ಕ್ಷೇತ್ರದಲ್ಲಿಯೂ ಹೊಸ ಇತಿಹಾಸ ನಿರ್ಮಿಸುತ್ತಿದೆ. ಆ ಶಿಕ್ಷಣ ಕ್ರಾಂತಿಯ ಪ್ರಮುಖ ಶಕ್ತಿ ಎಂದರೆ ವಿದ್ಯಾನಿಕೇತನ ಸಂಸ್ಥೆ.
ಈ ಸಂಸ್ಥೆ ಇಂದು ಸಾವಿರಾರು ವಿದ್ಯಾರ್ಥಿಗಳ ಬದುಕಿಗೆ ಬೆಳಕಾಗಿರುವ ಅಕ್ಷರ ದೀಪವಾಗಿ ಹೊಳೆಯುತ್ತಿದೆ.
ಈ ಮಹತ್ತರ ಸಾಧನೆಯ ಹಿಂದಿರುವ ಮಹನೀಯ ವ್ಯಕ್ತಿತ್ವವೆಂದರೆ ಸಂಸ್ಥೆಯ ಸಂಸ್ಥಾಪಕರಾದ ನೆಕ್ಕಂಟಿ ಸುರಿಬಾಬು ಅವರು. ವಿಶೇಷವಾಗಿ ಅವರು ಕೇವಲ ಶಿಕ್ಷಣ ಸಂಸ್ಥೆ ನಿರ್ಮಿಸಿದವರಲ್ಲ; ಒಬ್ಬ ಪ್ರಗತಿಪರ ರೈತರು ಎಂಬ ಹೆಗ್ಗಳಿಕೆಯನ್ನು ಕೂಡ ಪಡೆದಿದ್ದಾರೆ. ಕೃಷಿಯ ಮಹತ್ವವನ್ನು ಅರಿತು ರೈತ ಬದುಕಿನ ಮೌಲ್ಯಗಳನ್ನು ಉಳಿಸಿಕೊಂಡು, ಅದೇ ಪರಿಶ್ರಮ ಮತ್ತು ದೃಢಸಂಕಲ್ಪವನ್ನು ಶಿಕ್ಷಣ ಕ್ಷೇತ್ರದಲ್ಲಿಯೂ ಅಳವಡಿಸಿಕೊಂಡಿರುವುದು ಅವರ ವ್ಯಕ್ತಿತ್ವದ ವಿಶೇಷತೆ.
ಹೊಲದಲ್ಲಿ ಬೆಳೆ ಬೆಳೆಸುವ ರೈತನಾಗಿ ಸಮಾಜಕ್ಕೆ ಅನ್ನ ನೀಡಿದ ಅವರು, ಶಿಕ್ಷಣ ಕ್ಷೇತ್ರದಲ್ಲಿ ಜ್ಞಾನ ಬೆಳೆಸುವ ದೀಪವಾಗಿಯೂ ಸಾವಿರಾರು ವಿದ್ಯಾರ್ಥಿಗಳ ಭವಿಷ್ಯ ರೂಪಿಸುತ್ತಿದ್ದಾರೆ.
“ಮಣ್ಣಿನ ಜೊತೆ ಬೆಸೆದ ವ್ಯಕ್ತಿಯ ಮನಸ್ಸು ಸಮಾಜದ ನೋವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುತ್ತದೆ” ಎಂಬ ಮಾತಿನಂತೆ, ಗ್ರಾಮೀಣ ಭಾಗದ ಬಡ ಹಾಗೂ ಪ್ರತಿಭಾವಂತ ವಿದ್ಯಾರ್ಥಿಗಳ ಸಂಕಷ್ಟವನ್ನು ಅರಿತು ಅವರು ಶಿಕ್ಷಣ ಸೇವೆಯನ್ನು ಧ್ಯೇಯವನ್ನಾಗಿ ಮಾಡಿಕೊಂಡಿದ್ದಾರೆ.
“ನರ್ಸರಿಯಿಂದ ನೌಕರಿವರೆಗೆ” ದೂರದೃಷ್ಟಿಯ ಶಿಕ್ಷಣ ಯೋಜನೆ
ನೆಕ್ಕಂಟಿ ಸುರಿಬಾಬು ಅವರ ಅತ್ಯಂತ ಜನಪ್ರಿಯ ಹಾಗೂ ಸಮಾಜಮುಖಿ ಕಲ್ಪನೆ ಎಂದರೆ “ನರ್ಸರಿಯಿಂದ ನೌಕರಿವರೆಗೆ” ಎಂಬ ಯೋಜನೆ.
ಇದು ಕೇವಲ ಶಾಲಾ ಶಿಕ್ಷಣಕ್ಕೆ ಸೀಮಿತವಾಗದೇ, ವಿದ್ಯಾರ್ಥಿಯ ಜೀವನದ ಸಂಪೂರ್ಣ ಬೆಳವಣಿಗೆಯನ್ನು ಗುರಿಯಾಗಿಸಿಕೊಂಡ ಮಹತ್ವಾಕಾಂಕ್ಷಿ ಯೋಜನೆಯಾಗಿದೆ.
ಪ್ರಾಥಮಿಕ ಶಿಕ್ಷಣದಿಂದ ಹಿಡಿದು ಉನ್ನತ ಶಿಕ್ಷಣ, ವೃತ್ತಿಪರ ಕೋರ್ಸ್ಗಳು, ಸ್ಪರ್ಧಾತ್ಮಕ ಪರೀಕ್ಷೆಗಳ ತರಬೇತಿ ಹಾಗೂ ಉದ್ಯೋಗ ಮಾರ್ಗದರ್ಶನದವರೆಗೆ ವಿದ್ಯಾರ್ಥಿಗಳಿಗೆ ನೆರವಾಗುವ ಮೂಲಕ ಸಂಸ್ಥೆ ಸಾವಿರಾರು ಕುಟುಂಬಗಳ ಆಶಾಕಿರಣವಾಗಿದೆ.
ರಾಜ್ಯ ಮಟ್ಟದಲ್ಲಿ ವಿಜ್ಞಾನ ವಿಭಾಗದಲ್ಲಿ ದ್ವಿತೀಯ ಸ್ಥಾನ — ಗಂಗಾವತಿಯ ಹೆಮ್ಮೆ
ಈ ವರ್ಷದ ಶೈಕ್ಷಣಿಕ ಫಲಿತಾಂಶದಲ್ಲಿ ವಿದ್ಯಾನಿಕೇತನ ಸಂಸ್ಥೆ ರಾಜ್ಯ ಮಟ್ಟದಲ್ಲಿ ಮಹತ್ವದ ಸಾಧನೆ ಮಾಡಿದ್ದು, ವಿಜ್ಞಾನ ವಿಭಾಗದಲ್ಲಿ ರಾಜ್ಯಕ್ಕೆ ದ್ವಿತೀಯ ಸ್ಥಾನ ಪಡೆದು ಗಂಗಾವತಿಯ ಕೀರ್ತಿಯನ್ನು ಕರ್ನಾಟಕದಾದ್ಯಂತ ಹರಡಿಸಿದೆ.
ಇದು ಸಂಸ್ಥೆಯ ಗುಣಮಟ್ಟದ ಶಿಕ್ಷಣ, ಶಿಕ್ಷಕರ ಸಮರ್ಪಣೆ ಹಾಗೂ ವಿದ್ಯಾರ್ಥಿಗಳ ಪರಿಶ್ರಮಕ್ಕೆ ದೊರೆತ ಅತ್ಯುನ್ನತ ಗೌರವವಾಗಿದೆ.
ಇದಲ್ಲದೆ ಸಂಸ್ಥೆಯ ಅನೇಕ ವಿದ್ಯಾರ್ಥಿಗಳು ಶೇಕಡಾ 96ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದು ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ಗ್ರಾಮೀಣ ಪ್ರದೇಶದ ವಿದ್ಯಾರ್ಥಿಗಳೂ ಸರಿಯಾದ ಮಾರ್ಗದರ್ಶನ ಸಿಕ್ಕರೆ ರಾಜ್ಯ ಮಟ್ಟದಲ್ಲಿ ಮಿಂಚಬಹುದು ಎಂಬುದನ್ನು ವಿದ್ಯಾನಿಕೇತನ ಸಂಸ್ಥೆ ಸಾಬೀತುಪಡಿಸಿದೆ.
ಶಿಕ್ಷಣದ ಮೂಲಕ ಸಮಾಜ ನಿರ್ಮಾಣ
ವಿದ್ಯಾನಿಕೇತನ ಸಂಸ್ಥೆ ಕೇವಲ ಪಾಠ ಕಲಿಸುವ ಸಂಸ್ಥೆಯಲ್ಲ; ಇದು ವ್ಯಕ್ತಿತ್ವ ರೂಪಿಸುವ ಶಿಕ್ಷಣ ಕೇಂದ್ರವಾಗಿದೆ. ಇಲ್ಲಿ ವಿದ್ಯಾರ್ಥಿಗಳಿಗೆ ಶಿಕ್ಷಣದ ಜೊತೆಗೆ ಶಿಸ್ತು, ಸಂಸ್ಕಾರ, ಆತ್ಮವಿಶ್ವಾಸ, ದೇಶಭಕ್ತಿ ಮತ್ತು ಮಾನವೀಯ ಮೌಲ್ಯಗಳನ್ನು ಬೆಳೆಸಲಾಗುತ್ತಿದೆ.
ಅಲ್ಲದೆ ಸಂಸ್ಥೆ ಸಾವಿರಾರು ಜನರಿಗೆ ಉದ್ಯೋಗಾವಕಾಶ ಕಲ್ಪಿಸುವ ಮೂಲಕ ಅನೇಕ ಕುಟುಂಬಗಳಿಗೆ ಆಶ್ರಯವಾಗಿದೆ.
ಶಿಕ್ಷಕರು, ಉಪನ್ಯಾಸಕರು ಹಾಗೂ ಸಿಬ್ಬಂದಿಗೆ ಉದ್ಯೋಗ ಸೃಷ್ಟಿ ಮಾಡುವ ಮೂಲಕ ಶಿಕ್ಷಣ ಮತ್ತು ಸಮಾಜ ಸೇವೆಯನ್ನು ಒಂದೇ ಹಾದಿಯಲ್ಲಿ ಸಾಗಿಸುತ್ತಿದೆ.
ನೆಕ್ಕಂಟಿ ಸುರಿಬಾಬು
ರೈತನಾಗಿ ಮಣ್ಣಿನ ಮಹತ್ವ ಅರಿತ ಅವರು, ಶಿಕ್ಷಣ ತಪಸ್ವಿಯಾಗಿ ಜ್ಞಾನದ ಮಹತ್ವವನ್ನು ಸಮಾಜಕ್ಕೆ ತೋರಿಸುತ್ತಿದ್ದಾರೆ.
ಒಬ್ಬ ಪ್ರಗತಿಪರ ರೈತನು ಶಿಕ್ಷಣ ಕ್ಷೇತ್ರದಲ್ಲಿ ಕ್ರಾಂತಿ ಮೂಡಿಸಬಹುದು ಎಂಬುದಕ್ಕೆ ನೆಕ್ಕಂಟಿ ಸುರಿಬಾಬು ಅವರು ಜೀವಂತ ಉದಾಹರಣೆ.
“ಹೊಲದಲ್ಲಿ ಅನ್ನ ಬೆಳೆದ ರೈತನು ದೇಶವನ್ನು ಉಳಿಸುತ್ತಾನೆ; ಶಿಕ್ಷಣ ಬೆಳೆಸುವ ಗುರು ಸಮಾಜದ ಭವಿಷ್ಯ ಉಳಿಸುತ್ತಾನೆ.”
ಭತ್ತದ ನಾಡು ಗಂಗಾವತಿಯಲ್ಲಿ ಇಂದು ಅಕ್ಷರಗಳ ಕ್ರಾಂತಿ ನಡೆಯುತ್ತಿದೆ. ಆ ಕ್ರಾಂತಿಗೆ ಕಾರಣವಾದ ವಿದ್ಯಾನಿಕೇತನ ಸಂಸ್ಥೆ ಮತ್ತು ಅದರ ಹಿಂದಿರುವ ಪ್ರಗತಿಪರ ರೈತ, ಶಿಕ್ಷಣದ ಪ್ರೀತಿ ನೆಕ್ಕಂಟಿ ಸುರಿಬಾಬು ಅವರ ಸೇವೆ ನಿಜಕ್ಕೂ ಶ್ಲಾಘನೀಯ.
ರಾಜ್ಯ ಮಟ್ಟದ ಸಾಧನೆಗಳು, ಶೇಕಡಾ 100ಕ್ಕೂ 100 ಫಲಿತಾಂಶಗಳು, ಸಾವಿರಾರು ವಿದ್ಯಾರ್ಥಿಗಳ ಭವಿಷ್ಯ ನಿರ್ಮಾಣ ಮತ್ತು ಸಮಾಜಮುಖಿ ಶಿಕ್ಷಣ ಸೇವೆ — ಇವೆಲ್ಲವೂ ಅವರ ದೂರದೃಷ್ಟಿ ಮತ್ತು ಪರಿಶ್ರಮದ ಪ್ರತೀಕಗಳಾಗಿವೆ.
“ಮಣ್ಣಿನ ಮಗನಿಂದ ಅಕ್ಷರಗಳ ಮಹಾನಾಯಕನಾಗಿದ ವ್ಯಕ್ತಿತ್ವ — ಅದೇ ನೆಕ್ಕಂಟಿ ಸುರಿಬಾಬು.”
ಲೇಖನ.
ಆಂಜನೇಯ ಮಟ್ಟೂರು
ಶಿಕ್ಷಕರು. ಗಂಗಾವತಿ
